ब्राजिलले जापानलाई हराउँदा नेयमारको कीर्तिमान (फोटोफिचरसहित

अपडेटः काठमाडौं, आश्विन २८ । अन्तर्राष्ट्रिय मैत्रीपूर्ण फुटबलमा ब्राजिलले एसियाको ‘पावरहाउस’ जापानलाई ४–० ले पराजित गरेको छ । तटस्थस्थल सिंगापुरमा भएको खेलमा ब्राजिललाई जिताउने क्रममा कप्तान नेमार एक्लैले सबै चार गोल गरे । खेलको १८औं मिनेटमा पहिलो गोल गरेको ब्राजिलले मध्यान्तरसम्म सोही स्थितिमै चित्त बुझाउनुपरेको थियो । मध्यान्तरपछि भने आक्रामक भएको ब्राजिलले तीन गोल गरेको हो । यसअघि गत आइतबार भएको खेलमा ब्राजिलले अर्जेन्टिनामाथि २–० को जित निकाक्दा नेमारले गोल गर्न सकेका थिएनन् । डुंगाले प्रशिक्षण सम्हालेपछि ब्राजिल सशक्त बन्दै गएको छ । यता, ब्राजिलका एकमात्र ढुकढुकी बनेका २२ वर्षीय नेमारले देशका लागि खेलेको ५८ खेलबाट ४० गोल गर्दै कीर्तिमान रचेका छन् ।