विदेशबाट फर्किएको भोलिपल्ट सुन्धारा गेस्टहाउसमा घाटी रेटी हत्या

२६ असोज, धनकुटा । बहराइनबाट फर्किएको भोलिपल्टै धनकुटाका एक युवक होटेलमा मृत फेला परेका छन् । बिहीबार नेपाल फर्किएका रेवत पौडेलको घाँटी रेटिएको अवस्थामा शुक्रबार सुन्धाराको भारत गेस्ट हाउसमा शव भेटिएको हो । शव ब्लेडले घाँटी रेटिएको अवस्थामा फेला परेको हो । धनकुटाको चानुवा-५ घर भएका उनी बहराइनको विमानस्थलमा काम गर्थे । एयर अरेबियाबाट बिहीबार बुलुका पौने १० बजे उनी नेपाल आइपुगेका थिए । भारत गेस्ट हाउसको ३०५ नम्बर कोठामा उनको शव शुक्रबार दिउँसो भेटिएको थियो । कोठा सफा गर्ने क्रममा होटेलका कर्मचारीले भुइँमा उनको शव देखिपछि प्रहरीलाई खबर गरेको नयाँ पत्रिकामा खबर छ । प्रहरीका अनुसार घटनास्थलबाट एउटा ब्लेड पनि फेला परेको छ । सुरुमा हत्या भएको अनुमान गरिए पनि अनुसन्धानका क्रममा उनी आफैंले घाँटी रेटेर आत्महत्या गरेजस्तो देखिएको प्रहरीले जनाएको छ । ‘हत्या भएको भए संघर्ष हुनुपथ्र्यो, तर त्यस्तो छैन्,’ अनुस्न्धानमा संलग्न एक प्रहरी अधिकारीले भने, ‘ऐनामा हेरेर आफैंले घाँटी काटेजस्तो देखिन्छ ।’ उनको घाँटीको अघिल्लो भाग काटिएको थियो । नेपाल फर्किएपछि उनलाई लिन छोरा र ज्वाइँ एयरपोर्टमा पुगेका थिए । तर, आफू घुमेर र्फकने भन्दै उनी एयरपोर्टबाट नै छुट्टएिका थिए । एयरपोर्टबाटै त्यसरी एक्लै हिँड्नुले पनि उनमा कुनै चिन्ता रहेको र त्यसैकारण आत्महत्या गरेको हुनसक्ने प्रहरी अधिकारीहरुले बताएका छन् । होटलमा पुगेको केही समयपछि उनी चुरोट किन्न निस्किएका थिए । उनलेहोटलको काउन्टरमा सलाइ मागेर चुरोट खाएको होटलका कर्मचारीले बताएका छन् । होटलको ढोका बन्द भएपनि भित्रबाट लक लगाइएको थिएन । घटनाको अनुसन्धान भइरहेको र घटनास्थलमा प्रहरीले फरेन्सिकका दुई चिकित्सक लगेको छ ।