डिभिजन 'थ्री' क्रिकेट: नेपाललाई जितका लागि अमेरिकाद्धारा २ सय २४ रनको चुनौती

काठमाडौं: मलेसियामा जारी आइसीसी विश्‍व क्रिकेट लिग डिभिजन 'थ्री' प्रतियोगिताको चौथो खेलमा नेपाललाई जितका लागि अमेरिकाले २ सय २४ रनको लक्ष्‍य दिएको छ। क्वालालम्‍पुरको किनरारा खेल मैदानमा टस जितेर ब्याटिङ गरेको अमेरिकाले ५० ओभरको समाप्तिमा सकिदा ९ विकेट गुमाएर २ सय २३ रन बनाएको हो। अमेरिकाका लागि फहद बबरले १ सय १४ बलमा ५९ रन बनाए। बबरले चार चौका प्रहार गरे। यस्तै तिमि पट्टेलले ५० बलमा एक चौका हान्‍दै ३९ रन बनाए भने स्टिफन टेलरले ४१ बलमा ३६ रन बनाए। टेलरले चार चौका र एक छक्‍का प्रहार गरे। यसैगरी मोहमद घोसले १८ बलमा नट आउट हुँदै २७ रन बनाए। घोसले दुई चदका र दुघ छक्‍का प्रहार गरे। यस्तै ट्ठ्टिभ मासियाहले २७ बलमा १६ रन, अदिल भातीले १७ बलमा १५ रन, इलमोर हचिङसनले ७ बलमा ५ रन र उसमान सुजाले ७ बलमा ३ रन , करण गणेशले ६ बलमा २ रन तथा डानियल अहमदले २ बलमा एक रन बनाए। नेपालका लागि शक्तिले गौचनले १० ओभरमा बलिङ गर्दै सर्वाधिक ३० रन खर्चेर ३ विकेट लिन सफल भए। यस्तै बसन्‍त रेग्‍मीले १० ओभर खेल्‍दै ४१ रन खर्चेर २ विकेट लिए भने सागर पुनले ८ ओभरमा खेल्‍दै ४१ रन र्खेचर २ विकेट लिए। नेपालले जवाफी ब्‍याटिङ गरिरहेको छ। यसअघि सोमबार वर्षातले प्रभावित भएपछि डिभिजन ३ अन्तर्गत नेपाल र अमेरिकाबीचको खेल रद्द भएको थियो। नेपालले जवाफी ब्याटिङमा जानुअघि वर्षातले प्रभावित भएको खेलमा नेपालले ब्याटिङ थालेपछि पुन: वर्षात भएकाले सोमबारको खेल रद्द भएको थियो। क्वालालम्पुरको किनरारा एकेडेमी ओभल मैदानमा टस जितेर पहिला ब्याटिङ गरेको अमेरिकाले नेपाललाई जितका लागि २ सय ५ रनको लक्ष्य दिएको थियो। वर्षातले प्रभावित भएपछि ३० ओभरमा छोट्यार्इ नयाँ लक्ष्य पाएर जवाफी ब्याटिङमा उत्रेको नेपालले सुरुवाती तीन विकेट गुमाइसकेको थियो। वर्षातले खेल प्रभावित भएपछि मलेसियामा भइरहेको आइसिसी विश्व क्रिकेट लिग डिभिजन-३ अन्तर्गत अमेरिकाविरुद्दको खेलमा नेपालले नयाँ लक्ष्य पाएको थियो। अब नेपालले बुधबार मलेसियासँग खेल्नेछ।