हुदहुदको कारण आएको हिमपहिरो र हिमपातका कारण ३३ जनाको मृत्यु भएको पुष्टि..

काठमाडौं,५ कात्तिक । हालैको हिमपहिरो र हिमपातका कारण मुलुकका विभिन्न स्थानहरुमा गरि ३३ जनाको ज्यान गएको सरकारले जनाएको छ । हिमपात र हिमपहिरोमा परि मुस्ताङमा २४, म्याग्दीमा पाँच, मनाङमा तीन र कास्कीमा एक गरी ३३ जनाको मृत्यु भएको गृह मन्त्रालयले पुष्टि गरेको छ । मन्त्रालयले मंगलबार विज्ञप्ति जारी गरी मृतकमध्ये १७ नेपाली र १६ विदेशी रहेको जनाएको छ । मन्त्रालयका अनुसार मृतकमध्ये ११ नेपाली र छ विदेशीको शव त्रिवि शिक्षण अस्पतालमा राखिएको छ भने दुई नेपालीको शव निकाली जोमसोममा राखिएको छ । घटनामा परी मृत्यु हुनेको शव आफन्त तथा सम्बन्धित दूतावासमा बुझाउने कार्य जारी छ । घटनामा परि चार क्यानडाली, एक भारतीय र तीन नेपाली सहित ८ जना अझै हराइरहेको मन्त्रालयले जनाएको छ । खोज तथा उद्धारका क्रममा हालसम्म मनाङबाट २६१, मुस्ताङबाट १४६, डोल्पाबाट ७१, गोरखाबाट ३३, कास्कीबाट पाँच र म्याग्दीबाट दुई पदयात्री पर्यटक र तिनका सहयोगीको जीवितै उद्धार गरी सुरक्षित स्थानमा ल्याइएको छ । उद्धारका लागि मनाङ र मुस्ताङका तीनै वटा सुरक्षा निकाय गरी २८० भन्दा बढी सुरक्षाकर्मी र अन्य सरकारी कर्मचारी परिचालन गरिएको छ । उद्धार गरी ल्याइएका घाइतेलाई विभिन्न स्थानमा उपचार गराइएकामा केही स्वास्थ्यलाभ गरी आफ्नो गन्तव्यतर्फ गइसकेको तथा घाइतेको उपचार भइरहेको मन्त्रालयले जनाएको