नयाँ बर्षमा पत्नी मधुसँग खुलेर घुमघाममा रमाउन थाले राजेश हमाल

१८ पुष, काठमाडौं । प्रेम सम्वन्धमा रहेको ५ बर्षसम्म गोप्य सम्वन्ध राख्न सफल नायक राजेश हमाल विवाह पछि पत्नी मधुसँग खुलेर घुमघाममा रमाउन थालेका छन् । २०१५ को अँग्रेजी नयाँ बर्ष आरम्भमा पनि नायक हमालले पत्नी मधुसँग काठमाडौंमा चर्चित ठाउँ घुमेर मनाएका छन् । सामाजि सञ्जाल फेसबुकमा तस्बिर राख्दै हमालले आफूले मधुसँग नयाँ बर्षमा रमाइलो गरेको लेखेका छन् । हमाल जोडी काठमाडौंको ठमेल, दरबारमार्ग घुम्दै रमाइलो गरेका थिए । हमालले मधुसँग बिताएको समय रमाइलो भएको समेत लेख्न भ्याएका छन् । हमालले फेसबुकमा लेखेका छन्-‘नयाँ बर्षको अवसरमा मधु र म काठमाण्डौका सडकमा घुम्यौ । स्वयम्भु, ठमेल, दरबारमार्ग पुग्यौ ।’ source:npnews