छविले रेखा थापालाई दिदै आएको आशिस शिल्पालाइ दिएपछि शिल्पा भाबुक

सिनेमा ‘लज्जा’ प्रदर्शनको दिन नजिकिएपछि निर्माता छविराज ओझा र नव-कलाकार शिल्पा पोख्रेलको चर्चा सिने बजारमा चुलिएको छ । छविले शिल्पाले चाहे आफू बिहे गर्न समेत तयार भएको बताइरहेका छन् । उनै शिल्पालाई दशैको अन्तिम दिन टिका लगाइदिदै छविले ‘नम्बर १’ हिरोइन बन्न आशिष दिएका छन् । यसअघि छविले नायिका रेखा थापालाई यो आशिष दिदै आएका थिए । छविले उत्कृष्ट नायिका बन्न भन्दै आशिष दिएपछि शिल्पा पनि भावूक बनिन् । छविको अफिसमा टिका लगाउन केही सिनेकर्मीसमेत पुगेका थिए । कात्तिक ७ गते छविले निर्माण गरेको चलचित्र ‘लज्जा’ प्रदर्शनमा आउँदैछ । यही सिनेमाबाट डेब्यू गरेकी शिल्पालाई छवि यतिबेला सिने बजारमा स्थापित गराउने धुनमा छन् । यतिबेला छविको नजरमा शिल्पा देशकै ‘नम्बर १’ नायिका भएकी छिन् । नवल नेपालले निर्देशन गरेको यो सिनेमामा आर्यन सिग्देल मुख्य भूमिकामा छन् ।