विश्वमा पहिलोपटक पाठेघर प्रतिस्थापन गरेकी महिलाले शिशु जन्माइन्

रिस - स्विडेनका ३६ वर्षीया एक महिलामा पाठेघर प्रतिस्थापन गरेपछि उनी यस्तो शल्यक्रियापछि शिशु जन्माउने पहिलो महिला बनेकी स्वास्थ्य पत्रिका द लानसेटले जानकारी दिएको छ । यसलाई शिशु जन्माउन नसकेका महिलाका लागि ठूलो परिवर्तनको रूपमा हेरिएको छ । पत्रिकाले गत महिना एक स्वस्थ शिशुको जन्म भएको जानकारी दिएको छ । पत्रिकाले हाल आमा तथा शिशुको स्वास्थ्य राम्रो रहेको उल्लेख गरेको छ । गर्भधारणको ३१ महिनापछि यी महिलाले शल्यक्रिया गरी १.७७५ किलोग्राम तौलको शिशुलाई जन्म दिएको पत्रिकाले उल्लेख गरेको छ । पत्रिकाले यी महिलामा अण्ड उत्पादनका अङ्गहरू भए पनि जन्मदै उनमा पाठेघर नभएको बताइएको छ । शल्यचिकित्सकहरूले यस प्रक्रियाले महिलामा पाठेघरमा समस्या भई शिशु जन्माउन नसक्ने अवस्थाको बाधा हटेको बताएका छन् । यी आमालाई ६१ वर्षीया एक महिलाले आफ्नो पाठेघर दान गरेकी थिइन् । उनको मासिक रजस्वला सात वर्ष अगाडि रोकिएको थियो । आमा बन्ने महिलामा १० घण्टा लगाएर गत वर्ष पाठेघर प्रतिस्थापनको शल्यक्रिया गरिएको थियो । यी महिलाबाट प्राप्त अण्डमा उनका पतिको वीर्य राखी कृत्रिम गर्भ तयार गरिएको र उनको पाठेघरमा राखिएको थियो । पाठेघर प्रतिस्थापन गरेको एक वर्षपछि मात्र यी महिलामा गर्भ राखिएको थियो । यसरी तीन सातासम्म गर्भ परीक्षण भएपछि त्यसमा सकारात्मक विकास भएको देखिएको थियो । आरम्भको समयमा शरीरले पाठेघरलाई अस्वीकार गर्ने अवस्था सिर्जना भए पनि महिलाको रोगप्रतिरोधात्मक प्रणालीलाई नियन्त्रण गरी पाठेघरलाई शरीरले स्वीकार गर्ने अवस्था बनाइएको थियो । लानसेटमा गोथेनबर्ग विश्वविद्यालयका प्राध्यापक म्याट्स ब्राएन्स्ट्रोमले यस प्रक्रियालाइ १० वर्षसम्म जनावरमा गहन रूपमा परीक्षण गरिएको जानकारी दिए । उनले मासिक रजस्वला बन्द भएकी महिलाको पाठेघर प्रतिस्थापन गरी यस्तो अवस्था सिर्जना गर्न सकिने अध्ययनमा देखिएको बताए