मानिस मरेपछि के हुन्छ ? मृत्युपछिको रहस्य खुल्दै...

के मृत्युपछि जीवन हुन्छ ? यो रहस्यमय रहेको छ । वैज्ञानिकहरु यो रहस्य पत्ता लगाउनेको नजिक भने पुगिसकेका छन् । मत्युपछि पनि चेतना हुने एक अनुसन्धानमा पाइएको छ । यसको अर्थ मृत्यु भएको भनिएका व्यक्तिले वरपर के भइरहेको छ भन्ने थाहा पाएको पाइयो । बेलायतको साउथ एम्पटन युनिभर्सिटीका वैज्ञानिकले निकै रोचक अनुसन्धान गरेका छन् । यसमा बेलायत, अमेरिका र अस्ट्रियाका १५ अस्पतालमा भर्ना तीन सय ३० जनाको अध्ययन भएको छ । उनीहरुलाई हृदयघात भएको थियो । त्यसको केही मिनेटपछि उनीहरुको मृत्यु भएको थियो तथा क्लनिकली डेथ भएको थियो । तर, उनीहरुलाई मृत्युपछि वरपर के भइरहेको थियो भन्ने पूरा जानकारी भएको पाइयो । उनीहरु शरीरबाट बाहिर थिए, तर चेतना जागृत अवस्थामा थियो । वैज्ञानिकहरुले क्लिनिकली डेथ भएर ब्युझिएकाहरुले अनुभव गरेका विषयमा अध्ययन गरेका हुन् ।